سیکرٹری خارجہ تہمینہ جنجوعہ کی امریکی نائب وزیر خارجہ ٹام شینن سے ملاقات میں امریکی نئی پالیسی کے خطے پر اثرات کے حوالے سے بھی بات چیت کی گئی۔
دفتر خارجہ کے مطابق سیکرٹری خارجہ تہمینہ جنجوعہ نے نیویارک میں امریکی نائب وزیر خارجہ ٹام شینن سے ملاقات کی۔ جس میں ٹرمپ کی نئی پالیسی اور افغانستان میں امن کے امور پر بھی بات چیت کی گئی۔
سیکرٹری خارجہ نے کہا کہ افغانستان کا معاملہ ڈائیلاگ کے ذریعے ہی حل ہو سکتا ہے، پاکستان افغانستان میں اپنا کےلیے اپنا مثبت کردار ادا کرتا رہے گا۔
تہمینہ جنجوعہ نے کہا کہ پاکستان کے لیے امریکا کیساتھ تعلقات کی بہت اہمیت ہے، حالیہ امریکی بیانات سے پاکستان کا بھی سخت ردعمل سامنے آیا ہے۔
انہوں نے کہا کہ دونوں ممالک دہشت گردی سے نمٹنے کے لیے مشترکہ دشمن کے خاتمے کے لیے تعاون کریں گے، افغانستان سے داعش کے خاتمے کےلیے بھی دونوں ملک مل کر کام کر سکتے ہیں۔