میانمار حکومت کے روہنگیا مسلمانوں پر کئے جارہے مظالم پر ہالی ووڈ اداکارہ انجلینا جولی بھی میدان میں آگئیں اور نوبل انعام یافتہ آنگ سان سوچی سے مظالم رکوانے کا مطالبہ کردیا ۔
ذرا ئع کے مطا بق انجلینا جولی نے کہا کہ یہ واضح ہے کہ فوج کی طرف سے ہونیوالا تشدد روکنے اور مہاجرین کوواپسی کی اجازت دینا اشد ضروری ہے۔
روہنگیا مسلمانوں کو بھی حقوق دیئے جانے چاہیں، ہم سب کی خواہش ہے کہ آنگ سان سوچی انسانی حقوق کیلئے آواز بلند کرسکیں۔
دوسری طرف گزشتہ3 ہفتوں کے دوران تقریباً 4 لاکھ روہنگیا مسلمان بنگلہ دیش میں پناہ لینے پر مجبور ہوگئے ،ظالمانہ کارروائیوں میں ہزاروں مسلمانوں کو قتل کیا جاچکا ہے۔