پیرس میں پاکستان کلچرل فیسٹیول کی تاریخی کامیابی

فرانس کے دارالحکومت پیرس میں تعینات پاکستان کے سفیر معین الحق کا کہنا ہے کہ پیرس میں ہونے والے پہلے پاکستان میلے کو تاریخی کامیابی ملی ہے ۔ناصرف عوام نے اس میں بڑھ چڑھ کر شرکت کی بلکہ منتظمین اور شرکا نے بھی بھرپور طریقے سے اس کامیاب بنانے میں اپنا بہترین کردار اداکیا۔

یہ میلہ پیرس کے نواحی علاقے میں قیام پاکستان کے 70 سال مکمل ہونے کے حوالے سے منعقد کیا گیاتھا۔ میلے میں پاکستان کی ثقافت کو اجاگر کرتی مصنوعات، فیشن ،موسیقی اور کھانوں کی نمائش کی گئی۔

فیسٹیول میں نینا خان کے تیار کردہ ملبوسات کو نمائش کے لئے پیش کیا گیا جس میں چاروں صوبوں کی ثقافت کو بڑے خوبصورت طریقے سے اجاگر کیاگیا۔

ماڈلز نے کوریوگرافی کے ذریعے ایک خوبصورت میسج دیا ۔ میلے میں ناصرہ خان نے پاکستانی پتنگ متعارف کرائے اور محترمہ ناصرہ فاروقی نے تعلیم کی تدریس اور نیمل یونیورسٹی کے پروگرام سے لوگوں کو آگاہی دی۔

فیسٹیول سفیر پاکستان معین الحق کی نگرانی میں راجہ ابرار کیانی ، راجہ فیضان شاہنواز ، آصف چوہدری قدیر عبدل، محترمہ روحی بانو، نینا خان، آصفہ ہاشمی کی بھر پور کاوشوں کے نتیجہ انتہائی کامیابی کے ساتھ اختتام کو پہنچا۔