وادی نیلم میں مقامی افراد پر ایف ڈبلیو او کے اہل کاروں کے مبینہ تشدد کے خلاف علاقہ مکینوں نےتین دن سے بطور احتجاج سڑک پر دیوار کی تعمیر کا کام روکا ہوا ہے۔
وادی نیلم کے علاقے کٹن میں پیر کے روز جاگراں پاور پروجیکٹ فیز ٹو میں مقامی افراد کا سڑک کے کنارے دیوار تعمیر کرنے والے ٹھیکیدار سے معمولی بات پرجھگڑا ہو گیا، ٹھیکیدار نے فرنٹیئر ورکس آرگنائزیشن حکام کو مدد کے لیے بلا لیا۔
ایف ڈبلیو او کے اہلکارچار مقامی افراد کو اپنے کیمپ میں لےگئے اور مبینہ طور پر تشدد کا نشانہ بنایا، ضلعی انتظامیہ نے مداخلت کر کے تین گھنٹے بعد ان افراد کو بازیاب کرایا، حساس ادارے نے تشدد میں ملوث اہل کاروں کو اپنی تحویل میں لے لیا ہے۔