لاہور کے ضمنی الیکشن میں بدترین شکست کے ذمے داروں کا تعین کرنے کے لیے چیئرمین پیپلز پارٹی بلاول بھٹو زرداری نے 3 رکنی تحقیقاتی کمیٹی تشکیل دے دی ۔
کمیٹی میں نیرحسین بخاری ، فرحت اللہ بابر اور مولا بخش چانڈیو شامل ہیں ، کمیٹی این اے 120 کے ضمنی الیکشن میں پارٹی کی بدترین کارکردگی کے ذمے داروں کا تعین کرے گی۔
کمیٹی شکست میں پارٹی کے امیدوار فیصل میر سمیت پی پی لاہور اور وسطی پنجاب کی تنظیم کے کردار ، رہنماؤں کے تعاون اورعدم تعاون کا جائزہ لےگی ، کمیٹی 20 دن میں رپورٹ پیش کرے گی ۔