پاکستان اسنوکر کھلاڑی محمد سجاد قطر کے علی العبیدعلی کو شکست دیکر ایشین انڈور گیمز کے سیمی فائنل میں پہنچ گئے،سیمی فائنل جمعرات (کل)کو کھیلا جائے گا۔
اشک آباد، ترکمانستان میں ہونے والی چیمپئن شپ کے سکس ریڈ ایونٹ کے کوارٹر فائنل میں محمد سجاد نے قطری کھلاڑی کو 5-3 سے شکست دی۔
قبل ازیں کھیلے جانے والے پری کوارٹر فائنل میں محمد سجاد نے ہانگ کانگ کے لن ٹینگ ہو کو انتہائی سخت مقابلے کے بعد 5-4 سے زیر کیا جبکہ دوسرے پاکستانی کھلاڑی محمد بلال ایران کے سہیل واحدی سے 4-1 سے شکست کھا کر ایونٹ سے باہر ہوگئے۔