ایبٹ آباد : آئل ٹینکر میں لگی آگ پر قابو پالیا گیا

ایبٹ آباد کے مری روڈ پر پیٹرول پمپ پر کھڑے آئل ٹینکر میں اچانک بھڑک اٹھنے والی آگ پر قابو پا لیا گیا۔

آگ بھڑک اٹھنے کے واقعے کی اطلاع ملتے ہی فائربریگیڈ کی گاڑیاں اور ریسکیو ٹیم سمیت پولیس کی بھاری نفری موقع پر پہنچ گئی اور ایک گھنٹے کی کوششوں کے بعد آگ پر قابو پا لیا گیا۔

ریسکیو اور پولیس ذرائع کے مطابق آئل ٹینکر جل کر تباہ ہوگیا تاہم پیٹرول پمپ کو بچالیا گیا۔ واقعے میں کوئی جانی نقصان نہیں ہوا ۔