سلمان خان، اکشے کمار اور کرن جوہر ایک ساتھ

بالی وڈ اسٹار سلمان خان، اکشے کمار اور کرن جوہر نے ’’جنگ آف سارا گڑھی‘‘ کی بجائے ایک اور پروجیکٹ پر کام کرنے کی تیاری کرلی۔

سلمان خان، اکشے کمار اور کرن جوہر نے ’’جنگ آف سارا گڑھی‘‘ پروجیکٹ پر ساتھ کام کرنے کا اعلان کیا تھا، فلم کو پروڈیوس سلمان خان کررہے تھے اور کرن جوہر ہدایت کار تھے جب کہ اکشے کمار مرکزی کردار ادا کررہے تھے۔

سلمان خان کے قریبی دوست اجے دیوگن بھی 2 سال سے اسی کہانی پر کام کررہے تھے جس کے باعث انہوں نے سلمان کو اس کہانی پر کام کرنے سے روک تھا۔

اجے کی درخواست کے بعد سلمان نے اس پروجیکٹ کو خیرباد کہہ دیا تھا لیکن اب یہ تینوں کی جوڑی ایک اور فلم پر کام کررہی ہے۔

تینوں اسٹارز کی جوڑی ایک اسپورٹس فلم بنانے کی تیاری کررہی ہے جس میں اکشے کمار مرکزی کردار میں نظر آئیں گے اور کرن جوہر اور سلمان اسے پروڈیوس کریں گے۔