قطر ایئرویز نے اپنی بزنس کلاس میں آرام دہ ڈبل بیڈ کا اضافہ کرکے دنیا کی پہلی ایئرلائن کا اعزاز حاصل کرلیا ہے۔
ایئر لائن میں 4مسافر ایک ساتھ سفر کررہے ہوں تو وہ اپنی نشستوں کو بیڈ کی صورت دے سکتے ہیں اور اسے ایک نجی اور ذاتی جگہ بناسکتے ہیں۔ اس طرح اہلِ خانہ اور دوست آرام سے پرائیویٹ ماحول بناسکتے ہیں۔
اس ایئرلائن میں درمیانی 2سیٹیں مکمل بستر میں تبدیل ہوجاتی ہیں اور اطراف میں پارٹیشن اسے پرائیوٹ کمرہ بنادیتا ہے جبکہ 2ٹی وی اسکرین بھی اس کے ساتھ لگائے گئے ہیں۔
قطر ایئرویز نے اسے ’کیوسویٹس‘ کا نام دیا ہے۔ ایئرلائن کے یورپی سینئر نائب صدر جوناتھن ہارڈنگ نے کیوسویٹس کو بزنس کلاس کی بھی فرسٹ کلاس پروڈکٹ قرار دیا ہے۔
ذرائع ابلاغ کے نمائندوں سے خطاب کرتے ہوئے انہوں نے کہا کہ ہم پہلی مرتبہ آسمان پر بھی ڈبل بیڈ فراہم کررہے ہیں جو ایک نئی اور انقلابی سروس ہے۔
اس میں سفر کرنے والے افراد ایک بالکل نیا اور خوشگوار تجربہ حاصل کرسکیں گے۔
کیوسوئٹس ابھی صرف لندن کی پروازوں کے لیے پیش کیا گیا ہے تاہم اگلے مرحلے میں اس سروس کو نیویارک سے پیرس کی پروازوں میں بھی متعارف کرایا جائے گا۔