آرمی چیف جنرل قمر جاوید باجوہ سے برطانوی ہائی کمشنر تھامس ڈریو نے ملاقات کی ہے۔
پاک فوج کے شعبہ تعلقاتِ عامہ (آئی ایس پی آر) کے مطابق ملاقات میں باہمی دلچسپی اور علاقائی سیکیورٹی سے متعلقہ امور پر تبادلہ خیال کیا گیا ۔
آئی ایس پی آر کی جانب سے جاری کیے گئے بیان میں کہا گیا ہے کہ جی ایچ کیو میں ہونے والی ملاقات میں برطانوی ہائی کمشنر نے خطے میں امن و استحکام کے لیے پاکستانی کوششوں کو تسلیم کیا۔
برطانوی ہائی کمشنر نےخطے میں امن و استحکام کی پاکستانی کوششوں کو سراہا۔