وزیراعلیٰ پنجاب شہباز شریف لندن روانہ

وزیراعلیٰ پنجاب شہباز شریف برطانیہ کے لیے روانہ ہوگئے ۔ آج لندن میں نواز شریف کے ساتھ بیٹھک ہوگی ، جس میں ملک کی سیاسی صورتحال ، عدالتی مقدمات اور پارٹی صدارت سے متعلق اہم فیصلے متوقع ہیں۔

دوسری جانب وزیراعظم شاہد خاقان عباسی نیویارک سے لندن پہنچ چکے ہیں جہاں وزیراعظم آج پاکستانی وقت کےمطابق دوپہر 2بجےنوازشریف سےملاقات کریں گے۔

اسحاق ڈار، خواجہ آصف، مریم نواز اور پارٹی کے دیگر رہنما پہلے سے لندن میں موجود ہیں۔

ذرائع کا کہنا ہے کہ نواز شریف کی زیر صدارت لندن میں ایک مشاورتی اجلاس ہوگا جس میں اہم فیصلے ہوں گے۔

واضح رہے کہ سابق وزیراعظم نوازشریف، اہلیہ کلثوم نواز کے گلے کے کینسرکے علاج کے باعث لندن میں موجود ہیں۔