وزیراعظم کا لیفٹیننٹ ارسلان عالم کی شہادت پر اظہارافسوس

وزیراعظم شاہد خاقان عباسی نے لیفٹیننٹ ارسلان عالم کی شہادت پر اظہار افسوس کرتے ہوئے کہا ہے کہ دہشت گردی کے خلاف جنگ بطور خود مختار قوم ہماری بقا کا معاملہ ہے۔

شاہد خاقان عباسی کا مزید کہنا ہے کہ شہداء کا لہوگواہی دے رہا ہے کہ دہشت گردی کے خاتمےکےلیے ہم ایک ہیں ۔

انہوں نے یہ بھی کہا ہے کہ پاک سرزمین سے دہشت گرد عناصر کا مکمل خاتمہ کرکے دم لیں گے،قانون نافذ کرنےوالے اداروں پر بزدلانہ حملے ہمارے عزم کو کمزورنہیں کرسکتے ۔

وزیر اعظم نے اس عزم کا اعادہ بھی کیا کہ دہشت گردی کےخلاف آپریشن بھرپورہمت وحوصلے کےساتھ جاری رکھیں گے۔