یوں تو خطروں سے کھیلنا ایڈونچر کے شوقین افراد کا پسندیدہ مشغلہ ہوتا ہے تاہم بعض افراد اپنے شوق کی تکمیل اس انداز میں کرتے ہیں کہ دیکھنے والے بھی دنگ رہ جائیں اور تعریف کئے بنا رہ نہ سکیں۔
ویڈیو میں نظر آنے والے اس روسی خطروں کے کھلاڑی کو ہی دیکھ لیں جو ایڈونچر کا شوق پورا کرنے کیلئے پیرو میں قائم ہزاروں میٹر بلند چوٹی کے سرے پر پہنچ گیا ہے۔
روس سے تعلق رکھنے والے جانباز نے 6,725 میٹر بلند چوٹی کو سر کیا اور پھربلندو بالاچوٹی کے سرے سے آزادانہ چھلانگ لگاتے ہوئے نہ صرف ایڈونچر کا شوق پورا کیا بلکہ بیس جمپنگ کا شاندار مظاہرہ کرتے ہوئے پیراشوٹ کی مدد سے با آسانی زمین پر لینڈ کر گیااورپیرو کی اس چوٹی سے ونگ سوٹ جمپنگ کرنے والا پہلے جانباز بن گیا۔