بھارت دہشت گردی برآمد کرتا ہے،خواجہ آصف

وفاقی وزیر خارجہ خواجہ محمد آصف نے کہا ہے کہ بھارت اقوام متحدہ میں جمہوریت کی بات کرتا ہے ساتھ ہی دوسرے ملک میں دہشت گردی برآمد کرتا ہے۔

ایک بیان میں وفاقی وزیر خارجہ نے کہا کہ بھارت اپنے ہی ملک میں قتل وغارت گری کو فروغ دے رہا ہے ۔

اس سے قبل دفتر خارجہ نے بھارت کے جارحانہ عزائم کو خطے میں امن و سلامتی کے لئے خطرہ قرار دیا تھا ۔

بھارت کی جانب سے کنٹرول لائن پر فائرنگ بندی کے قوانین کی بار بار خلاف ورزی جاری ہے،گزشتہ شب کوٹلی سیکٹر میں بھارتی فائرنگ سے خاتون شہید اور دو شہری زخمی ہوچکے ہیں۔

پاکستان نے بھارت فائرنگ سے انسان کو نشانہ بنانے اور سرحدی اشتعال انگیزی کی مذمت کی ۔