نااہل شخص پاکستان کی قیادت نہیں کرسکتا، سراج الحق

جماعت اسلامی کے امیر سراج الحق نےکہا ہے کہ سپریم کورٹ کا نااہل کردہ شخص پاکستان کی قیادت نہیں کرسکتا۔

بونیر کے علاقہ طوطالئی میں عوامی اجتماع سے خطاب کرتے ہوئے سراج الحق کا کہنا تھا کہ اکثریت کے بل بوتے پر پارلیمنٹ میں فیصلوں کو بلڈوز کرنے کی مذمت کرتے ہیں۔

انہوں نے کہا کہ ایک نااہل شخص کے لیے پارلیمنٹ میں ہونے والی قانون سازی کو مسترد کرتے ہیں، پاکستان جب اسلامی ریاست بنے گا تو چیف جسٹس کے ہاتھ میں قرآن ہوگا، وزیر اعظم اقامت دیں گے اور صدر مملکت امامت کریں گے۔