انجیلا مارکل کم مارجن کے ساتھ کامیاب،چوتھی بار چانسلر بننے کے قریب

جرمنی کے گزشتہ روزہ ہونے والے انتخابات میں انجیلا مارکل نے کم مارجن کے ساتھ کامیابی حاصل کرکے چوتھی مرتبہ چانسلرمنتخب ہونے کےقریب پہنچ گئی ہیں۔

انجیلا مارکل کی پارٹی کرسچین یونین نے انتخابات میں 33 فیصد نشستیں حاصل کیں جبکہ دوسری پوزیشن سوشل ڈیموکریٹک پارٹی نے حاصل کی ۔دائیں بازو اور اسلام مخالف جماعت اےایف ڈی نےپہلی مرتبہ پارلیمنٹ میں نمائندگی حاصل کی ہے۔

انجیلا مارکل کامیابی کے باوجود اپنی اکثریت کو برقرار رکھنے میں ناکام ہوئی ہیں۔2013 کے مقابلے انجیلا مارکل نے 8اعشاریہ5 فیصد کم ووٹ حاصل کیے ہیں۔

انجیلا مارکل کا کہنا تھا کہ وہ اس بات کا جائزہ لیں گی کہ ان کے کن ووٹرز نے انھیں ووٹ دینے کی بجائے اے ایف ڈی پارٹی کو ووٹ دئے اور اچھی سیاست کے ذریعے وہ انھیں واپس لائیں گی۔