آپریشن رد الفساد، بلوچستان میں کارروائیاں، 4 دہشتگرد ہلاک

آپریشن رد الفساد کے تحت ایف سی بلوچستان نے صوبے کے مختلف حصوں میں آپریشن کیے ہیں۔

پاک فوج کے شعبہ تعلقاتِ عامہ (آئی ایس پی آر) کا کہنا ہے کہ ان آپریشنز میں 4مطلوب دہشت گرد مارے گئے، جبکہ 24مشتبہ افراد کو گرفتار بھی کرلیا گیا ہے۔

آئی ایس پی آر کے مطابق گرفتار دہشت گردوں میں سمیع اللہ نامی خودکش حملہ آور بھی شامل ہے، جس کا تعلق ڈیرہ مراد جمالی سے ہے ۔

آئی ایس پی آر نے بتایا ہے کہ ان کارروائیوں میں بڑی تعداد میں اسلحہ و گولہ بارود بھی برآمد کیا گیا ہے جس میں ایل ایم جی، ایس ایم جی، رائفلیں اور پستول شامل ہیں۔

آئی ایس پی آر کے مطابق 16کلو دھماکا خیزمواد، ہینڈ گرنیڈ، راکٹ اور مارٹرگولے بھی برآمد ہوئے ہیں۔