کردستان کی آزادی: ریفرنڈم کےلئے ووٹنگ، نتیجہ تین روز میں جاری ہوگا

عراق میں کردستان کی آزادی کے حوالے سے ریفرنڈم کےلئے ووٹنگ کا سلسلہ پیر کو مقامی وقت کےمطابق شام 6 بجے تک جاری رہا۔

عراقی کردستان میں عراق سے آزادی کیلئے متنازع ریفرنڈم کےسلسلے میں ووٹنگ شام چھ بجے تک جاری رہا۔کردستان ریفرنڈم کےحتمی نتائج کااعلان 72گھنٹوں میں کردیاجائےگا۔

عراقی وزیراعظم حیدرالعبادی کی مرکزی حکومت کردستان ریفرنڈم کی مخالفت کررہی ہے۔عراقی وزیراعظم کا کہنا ہے کردستان کی حکومت اور عوام نے علیحدگی کا فیصلہ کیا تو فوجی مداخلت بھی کی جاسکتی ہے۔

ملک کی وحدت کو یقینی بنانے کے لیے تمام تر اقدامات کیے جائیں گے،دوسری جانب ترک وزیراعظم کا کہنا ہے کردستان کے ریفرنڈم کے نتائج تسلیم نہیں کریں گے،جب کہ ترک صدر نےکردریفرنڈم کو ناقابل قبول اور زندگی اور موت کا مسئلہ قرار دیا۔

انکا کہنا ہے کہ ترکی کردستان کی آزادی کی صورت میں اس کے خلاف سیاسی ، اقتصادی اور فوجی اقدامات کریگا،اس سلسلے میں ترک اور روسی صدر پیوٹن کےدرمیان ٹیلی فونک گفتگو بھی ہوئی ،روسی صدرپیوٹن جمعرات کو انقرہ کا دورہ کریں گے۔