کراچی پولیس کی مختلف علاقوں میں کارروائیاں، بھتہ خور ہلاک

کراچی کے علاقے سرجانی ٹاؤن میں اےوی سی سی نے کارروائی کرتے ہوئے مبینہ مقابلے کے دوران بھتہ خور کو ہلاک کردیا، جبکہ لائنز ایریا اور لیاقت آباد سے اسٹریٹ کرائم کے 4 ملزمان گرفتار کر لیے گئے ۔

پولیس ذرائع کے مطابق سرجانی ٹاؤن میں ہلاک ہونے والے ملزم کی شناخت کامران کے نا م سے ہوئی ہےاور وہ پولیس کو متعدد مقدمات میں مطلوب تھا۔

ڈی آئی جی ثاقب میمن کے مطابق ہلاک ملزم کے قبضے سے اسلحہ اور موٹرسائیکل برآمدکی گئی ہے جبکہ اس کا دوسرا ساتھی فرار ہونے میں کامیاب ہوگیا جس کی تلاش کے لیے چھاپے مارے جارہے ہیں۔

دوسری جانب پولیس کی طرف سے کی گئی ایک اور کارروائی میں لائنز ایریا اور لیاقت آباد سےاسٹریٹ کرائم کے 4 ملزمان کو گرفتار کرکے ان کے قبضے سے موٹر سائیکل اور چھینے گئے موبائل برآمد کر لیے گئے۔