میانمار میں مسلمانوں کی نسل کشی ہورہی ہے، ترک صدر

ترک صدر رجب طیب اردوان نے کہا ہے کہ عالمی برادری نے میانمار کے روہنگیا مسلمانوں کی نسل کشی پر مذمت کے بیانات کے سوا کچھ نہیں کیا۔

استنبول میں خطاب کرتے ہوئے ترک صدر نے کہا کہ معمولی معمولی واقعے کو اسلامی دہشت گردی قرار دینے والی عالمی برادری نے کبھی بدھسٹ دہشت گردی،یا عیسائی دہشت گردی کی اصطلاح کیوں استعمال نہیں کی ؟

انھوں نے کہا کہ میانمار میں نسل کشی ہورہی ہے اور بدھسٹ دہشت گردی ہورہی ہے ۔مسلمان بدھ مت کے دہشتگردوں کے نشانے پر ہیں جسے روکنے کی ذمہ داری عالمی برادری پر عائد ہوتی ہے۔