لاہور کے تھانا فیصل ٹاون کے مال خانے میں آگ لگنے سے ریکارڈ اور دیگر سامان جل گیا، امدادی ٹیموں نے موقع پر پہنچ کر آگ پر قابو پالیا۔
پولیس کے مطابق تھانا فیصل ٹاون میں آپریشن ونگ کے مال خانہ میں شارٹ سرکٹ کے باعث اچانک آگ بھڑک اٹھی جس نے دیکھتے ہی دیکھتے مال خانہ میں پڑے رکارڈ اور دیگر سامان کو اپنی لیپٹ میں لے لیا۔
اطلاع ملنے پر امدادی ٹیمیں موقع پر پہنچ گئیں اور آگ پر قابو پالیا،ذرائع کے مطابق آگ لگنے سے تھانے کے مال خانہ میں ریکارڈ اور مال مقدمہ جل کر خاکستر ہوگیا ۔