• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

الیکشن کمیشن جیسے آئینی ادارے کی عمران خان نے تضحیک کی،اکبر ایس بابر

تازہ ترین
قومی خبریں
12 اکتوبر ، 2017
The Election Commission Like Imran Khan Of The Constitutional Organization Akbar S Babar

عمران خان کےخلاف توہین عدالت کیس کی درخواست دائر کرنے والے اکبرایس بابر نے کہا ہے کہ الیکشن کمیشن جیسے آئینی ادارے کی عمران خان نے بارہا تضحیک کی ،جس ادارے سے عمران خان کے خلاف کارروائی ہوتی ہے ، وہ اس ادارے چیلنج کر دیتے ہیں۔

اکبر ایس بابر نے الیکشن کمیشن کے باہر میڈیا سے گفتگو کرتے ہوئے کہا کہ عمران خان نے کچھ عرصے سے یہ طرز عمل اٹھایا ہے کہ وہ اس ادارے کی تضحیک کرتا ہے ،یہ وہ شخص ہے جو پاکستان کو انصاف دینے نکلا تھا۔عمران خان پاکستان میں انار کی پھیلانے کے چکر میں ہیں۔

انہوں نے کہا کہ تحریک انصاف سرمایہ داروں کے ہاتھ لگ گئی ہے ،ہم سمجھتے ہیں الیکشن کمیشن نے اہم فیصلہ دیا ،اس فیصلہ سے الیکشن کمیشن مضبوط ہو گا ، تمام سیاسی پارٹیاں قانون کے تابع ہونا چاہئے۔

اکبر ایس بابر نے عمران خان سے مطالبہ کیا کہ وہ شو کاز نوٹس کا جواب دیں۔

تازہ ترین