سفارتی بحران:ترکی سے دفاعی تعلقات متاثر نہیں ہونگے،امریکا

امریکی وزیر دفاع جیمز میٹس نے کہا ہے کہ ترکی اور امریکا کے درمیان سفارتی بحران دوطرفہ تعلقات بالخصوص دفاعی معاملات پر اثر انداز نہیں ہونگے۔

ذرائع ابلاغ کے مطابق امریکی وزیردفاع جیمز میٹس نے فلوریڈا روانگی سے قبل میڈیاسے گفتگو کرتے ہوئے کہا کہ سفارتی بحران فوجی تعاون پر اثر انداز نہیں ہوگا، ترکی نیٹو کا رکن ملک ہے لہذا اس سلسلے میں دفاعی تعاون ناگزیر ہے۔

امریکی وزیر دفاع نے کہا کہ ترکی میں متعین امریکی فوجی اڈہ پوری آزادی سے کام کر رہا ہے،دونوں ممالک کے حکام ایک دوسرے سے شمالی عراق و شام اور جنوبی ترکی میں جاری کارروائیوں کےلئے فضائی تعاون پر رابطے میں ہیں۔