| |
Home Page
ہفتہ 30 محرم الحرام 1439ھ 21 اکتوبر 2017ء
October 12, 2017 | 08:02 pm
امریکی پابندیوں کا خاتمہ:سوڈان کا سعودی عرب اور امارات سے اظہارِ تشکّر

Sudan President Thanks Saudi Arab And Uae For Lifting Us Sanctions

Sudan President Thanks Saudi Arab And Uae For Lifting Us Sanctions

سوڈان کے صدر عمر البشیر نے ٹیلفونک رابطہ کر کے سعودی ولی عہد شہزادہ محمد بن سلمان اور ابوظبی کے ولی عہد شیخ محمد بن زاید کی اْن کوششوں اور سعودی عرب اور متحدہ عرب امارات کے اْس کردار کا شکریہ ادا کیا ہے جو انہوں نے سوڈان پر سے امریکی پابندیاں اٹھائے جانے کے لیے ادا کیا۔

Sudan-President-222

غیرملکی خبررساں ادارے کے مطابق دونوں ممالک اس عزم کا اظہار کر چکے ہیں کہ وہ سوڈان کا نام دہشت گردی کی سرپرستی کرنے والے ممالک کی فہرست سے نکالے جانے تک اپنی کوششیں جاری رکھیں گے۔

دریں اثنا شیخ محمد بن زاید نے سوڈان پر سے پابندیاں اٹھائے لیے جانے پر صدر البشیر کو مبارک باد پیش کی۔ انہوں نے اس امید کا بھی اظہار کیا کہ یہ فیصلہ امن و استحکام اور ترقی کو یقینی بنانے کے لیے سوڈان کی کوششوں کو مضبوط کرے گا۔

Sudan-President-333

امریکی صدر ڈونلڈ ٹرمپ نے سوڈان پر سے اقتصادی پابندی کو اٹھانے کا اعلان کیا تھا۔ تقریبا ً دو دہائیوں سے جاری اس پابندی کے نتیجے میں سوڈان عالمی منڈیوں سے کٹ کر رہ گیا تھا۔

امریکی صدر کے فیصلے میں دو ایگزیکٹو آرڈرز کو منسوخ کرنے کا حکم دیا گیا ہے۔ ان میں پہلا آرڈر 16 اکتوبر 1997 کو صدر بل کلنٹن اور دوسرا آرڈر 17 اکتوبر 2006 کو صدر جارج بش جونیئر کے دور حکومت میں جاری ہوا۔مذکورہ دونوں احکامات کے تحت سوڈان پر اقتصادی پابندیاں عائد کر دی گئی تھیں۔