کراچی: پولیس کی مختلف کاروائیوں میں 6 ملزمان گرفتار

13 اکتوبر ، 2017

Karachi Police Operations Six Suspects Arrest

کراچی کے مختلف علاقوں میں پولیس نے کاروائیاں کرتے ہوئے 6 ملزمان کو گرفتار کر لیا ، جبکہ بلدیہ سعیدآباد میں پولیس نے سرچ آپریشن کے دوران 10 مشتبہ افراد کو حراست میں لے لیا۔

پولیس کے مطابق گارڈن کے علاقے میں کاروائی کرتے ہوئے 2 ملزمان کو گرفتارکر لیا گرفتار ملزمان متعدد اسٹریٹ کرائم کی وارداتوں میں ملوث ہیں ملزمان کے قبضے سے اسلحہ برآمد کر کیا گیا ہے ۔

گارڈن میں ایک اور کاروائی کے دوران 2 ملزمان کو گرفتار کر لیا گرفتار ملزمان نے دوران تفیش 20 سے زائد موٹرسائیکل چھیننے کا اعتراف کیا ہے ملزمان سے مزید تفتیش کی جارہی ہے۔

ڈاکس میں بھی پولیس نے کاروائی کرتے ہوئے 2 منشیات فروشوں کو گرفتار لیا، جبکہ بلدیہ سعید آباد میں پولیس نے سرچ آپریشن کیا سرچ آپریشن میں خواتین پولیس اہلکاروں نے بھی حصہ لیا ۔

سرچ آپریشن کے دوران علاقے کے داخلی اور خارجی راستے سیل کر کے 10 مشتبہ افراد کو حراست میں لیا گیا ہے , حراست میں لئے گئے افراد کو تھانے منتقل کر کے تفتیش کی جارہی ہے۔

تازہ ترین