| |
Home Page
بدھ 27 محرم الحرام 1439ھ 18 اکتوبر 2017ء
October 13, 2017 | 01:36 pm
اسکول میں موبائل فون لانے کی انوکھی سزا

Teachers Smash Students Phones In Central China

اکثر اسکولوں میں طالب علموں کو موبائل فونزلانے یا استعمال کرنے کی اجازت نہیں ہوتی اور اگر کوئی لے آئے تو اسے سخت سزا بھی دی جاتی ہے لیکن چین کے ایک اسکول میں موبائل فونز لانے کی ایسی انوکھی سزا دیکھنے میں آئی جس نے لوگوں کو حیران کردیا۔

جی ہاں ،ویڈیو میں نظر آنے والا یہ منظر ایک اسکول کا ہے جہاں طلباء کو اسکول میں فونز لانے کی سزا کے طور پر ان کے سامنے ان کے موبائل فونز توڑے جارہے ہیں۔

اسکول انتظامیہ کے مطابق اسکول میں موبائل فون لانا قوانین کی خلاف ورزی ہے جس کے تحت طلباء کو ایک کھلے میدان میں جمع کیا گیا اور اس کے بعد اساتذہ نے نا صرف ان کے سامنے ان کے موبائل فونز پانی سے بھری ہوئی بالٹی میں ڈال دئیے بلکہ اس کے بعد ہتھوڑے کی مدد سے ان فونز کو کرچی کرچی بھی کر ڈالا۔

واضح رہے اس حادثے کے بعد ایجوکیشن بیورو نے نا صرف اسکول انتظامیہ سے اس واقعے کی وضاحت طلب کرلی ہے بلکہ سوشل میڈیا پر بھی اس سزا کو تنقید کا نشانہ بنایا جارہا ہے۔