عالمی ادارہ صحت کاغیرمتعدی امراض پرگلوبل کمیشن قائم

عالمی ادارہ صحت نے غیر متعدی امراض سے متعلق اعلیٰ سطح کا گلوبل کمیشن قائم کرنے کا اعلان کردیا جبکہ پاکستانی خاتون ڈاکٹر ثانیا نشتر کو عالمی کمیشن کی سربراہ مقرر کیا گیا ہے۔

کمیشن دنیا بھر میں غیرمتعدی امراض سے اموات کے وجوہات کو ختم کرنے سے متعلق طریقوں کی نشاندہی کرے گا۔

عالمی ادارہ صحت کے ڈائریکٹر جنرل کا کہنا ہے کہ اگر غیرمتعدی امراض سے لوگوں کی غیر ضروری اموات کو روکنا ہے تو ہمیں فوری طور پر نئے نقطہ نظر اورعمل کی ضرورت ہے۔

کمیشن کی سربراہ ڈاکٹر ثانیا نشتر پاکستان میں سابق نگراں وزیر اور سول سوسائٹی کی سرگرم کارکن رہی ہیں۔