مغربی دفاعی اتحاد نیٹو کے سربراہ جین اسٹالٹن برگ نے کہا ہے کہ امریکا اور ترکی کو اپنے اختلافات دور کرنے کی ضرورت ہے۔
نیٹو چیف اسٹولن برگ نے برسلز میں خبرایجنسی سے گفتگو میں کہا کہ امریکا اورترکی کو مذاکرات کے ذریعے مسئلے کا حل تلاش کرنا چاہیے۔
یاد رہے کہ امریکا اور ترکی میں نئی کشیدگی اس وقت پیدا ہوئی، جب استنبول میں امریکی قونصل خانے کے ایک اہلکار کو گرفتار کیا گیا۔ اس پر الزام ہے کہ اس کے جلا وطن ترک مذہبی رہنما فتح اللہ گولن سے روابط ہیں۔
انقرہ حکومت گزشتہ برس ناکام فوجی بغاوت کا الزام گولن پر ہی عائد کرتی ہے۔