اجیت دوول کی افغان صدر اشرف غنی سے کابل میں ملاقات

بھارت کی قومی سلامتی کے مشیر اجیت دوول کی پیر کو افغان صدرڈاکٹر اشرف غنی سے ملاقات ہوئی ، جس میں علاقائی و باہمی تعاون، انسداد دہشتگردی اور امریکی حکمت عملی پر بات ہوئی۔

افغان صدارتی دفتر کے مطابق اجیت دوول اور صدر اشرف غنی کے درمیان ملاقات میں دونوں ممالک کے باہمی تعلقات، علاقائی تعاون، انسداد دہشتگردی اور نئی امریکی پالیسی پر بات چیت ہوئی۔

دونوں رہنماؤں نے خطے کے امن و استحکام کیلیے نئی امریکی حکمت عملی کا خیرمقدم بھی کیا، بھارتی میڈیا کے مطابق بھارتی قومی سلامتی کے مشیر اجیت دوول اپنے افغان ہم منصب حنیف اتمر کی دعوت پر افغانستان گئے ہیں۔