لاہور میں ٹی ٹوئنٹی، پی سی بی کا ٹکٹ کی قیمت کم رکھنےپرغور

پاکستان کرکٹ بورڈ نے سری لنکا کے خلاف لاہور میں ہونے والے ٹی ٹوئنٹی میچ کے لیے ٹکٹوں کی قیمت کم رکھنے پر غور شروع کر دیا ہے ۔

پاکستان اور سری لنکا کے درمیان تیسرا ٹی ٹوئنٹی میچ 29 اکتوبر کو لاہور میں ہو گا ۔ پاکستان میں ہونے والے سیریز کے واحد میچ کے لیے ٹکٹوں کی قیمتیں کم رکھنے پر غور ہو رہا ہے ۔

ورلڈ الیون کے خلاف میچز کے ٹکٹوں کی قیمت 5 سو سے 8 ہزار روپے تھی، جس پر چیئرمین پی سی بی نے یہ تسلیم کیا تھا کہ ٹکٹوں کی مالیت زیادہ ہے ۔

سری لنکا کے خلاف میچ کے لیے ٹکٹ کی کم سے کم قیمت 500 اور زیادہ سے زیادہ 4 ہزار روپے تک ہو گی ۔