ماڈل قندیل بلوچ قتل کیس کے ملزم مفتی عبدالقوی کا کہنا ہے کہ عدالت جو بھی فیصلہ کرے گی اسے قبول کیا جائے گا۔
عدالت میں پیشی کے موقع پر میڈیا سے بات چیت میں مفتی عبدالقوی کا کہنا تھا کہ پہلے بھی پولیس سے تعاون کیا اور آئندہ بھی کریں گے اور کیس کا جو بھی فیصلہ آئے گا اسے قبول کریں گے۔
اس سے پہلے ملتان کی سیشن کورٹ کے جج چودھری امیر محمد کی عدالت میں قندیل بلوچ قتل کیس سماعت ہوئی ۔
عدالت میں مفتی عبدالقوی اور گرفتار ملزمان وسیم اور حق نواز عدالت میں پیش ہوئے۔مختصر کارروائی کے بعد سماعت کل تک کے لئے ملتوی کردی گئی۔
واضح رہے کہ قندیل بلوچ قتل کیس میں نامزد ملزم مفتی عبدالقوی عبوری ضمانت پر ہیں۔