امریکی صدر ڈونلڈ ٹرمپ نے کہا ہے کہ امریکا کرکوک شہر پر قبضے کے معاملے میں عراقی حکومت اور کردوں میں سے کسی کی بھی طرف داری نہیں کرے گا۔
ترک خبر رساں ادارے کے مطابق وائٹ ہائوس میں ایک پریس کانفرنس سے خطاب میں صدر ٹرمپ کا کہنا تھا کہ کرکوک میں عراقی فوج کی کارروائی اور جواب میں کرد جنگجوئوں کے حملوں میں امریکہ غیر جانب دار رہے گا تاہم امریکہ کرکوک میں کسی قسم کے تشدد کی حمایت بھی نہیں کرے گا۔
امریکی صدر نے کہا کہ ہم نے کردوں کے ساتھ گزشتہ سالوں کے دوران تعلقات مستحکم کئے ہیں جبکہ عراقی حکومت کے ساتھ بھی امریکہ کے اچھے تعلقات قائم ہیں، لہذا ہمارے لیے یہ مناسب نہیں کہ ہم کسی ایک فریق کی طرف داری کریں۔