عمران کی عزت کرنا الیکشن کمیشن پر فرض ہے ،فواد چوہدری

تحریک انصاف کےترجمان فواد چوہدری الیکشن کمیشن پر پھٹ پڑے اور کہا کہ عمران خان کی عزت کرنا الیکشن کمیشن پر فرض ہے ، چیف الیکشن کمشنر نے عہدہ سنبھالتے ہی عوام کے خزانے سے برانڈ نیو لینڈ کروز خریدی تھی ۔

میڈیا سے گفتگو میں فواد چوہدری نے کہا کہ الیکشن کمیشن نے عمران خان کے وارنٹ گرفتاری جاری کرکے پی ٹی آئی چیئرمین اور ان کے پیچھے کھڑے کروڑوں لوگوں کی توہین کی ہے ۔

انہوں نے مزید کہا کہ عمران خان اور جہانگیر ترین کے اثاثوں کی جس طرح چھان بین ہوئی ہے، اگر دیگر ارکان کی کی گئی تو ایوان خالی ہوجائےگا ۔

فواد چوہدری نےکہاکہ چیف الیکشن کمشنر نے وارنٹ گرفتاری جاری کرکے عمران خان کی توہین کی ، ایسا نہ کریں ،پی ٹی آئی چیئرمین اداروں کی توہین برداشت نہیں کرتے تو ہم پارٹی سربراہ کی توہین برداشت نہیں کریں گے۔

ان کاکہنا ہےکہ عمران خان اور جہانگیر ترین کے اثاثوں کی جس طرح چھان بین ہوئی ہے، اگر دیگر ارکان کی کی گئی تو ایوان خالی ہوجائےگا ۔