پی ایس ایل کے 4 میچ کراچی میں کرانے کا فیصلہ

پاکستان سپر لیگ کے تیسرے ایڈیشن کے چار میچز کراچی کے نیشنل اسٹیڈیم میں کرانے کا فیصلہ ہو گیا۔

چیئرمین پی سی بی کی وزیر اعلیٰ سندھ مراد علی شاہ سے ملاقات ہوئی جس میں وزیر اعلیٰ سندھ نے نجم سیٹھی کو بہترین سیکورٹی کی یقین دہانی کرائی۔

اس موقع پروزیر اعلیٰ سندھ نے کہا کہ کراچی پر امن شہر ہے، کراچی کے عوام کا حق ہے کہ انٹرنیشنل کرکٹ دیکھیں، ضرورت پڑی تو ایئر پورٹ سے کرکٹ اسٹیڈیم تک ٹیم کے ساتھ آئیں گے۔