کافی کے کپ میں ٹیکنالوجی کا تڑکا

دنیابھر میں کافی کے کئی مشہور کیفے موجود ہیں جو اپنے گاہکوں کو مزیدار اور منفرد انداز سے کافی کا لطف فراہم کرتے ہیں لیکن چین کے دارلحکومت بیجنگ میں ایک نئے کیفے کی دھوم مچی ہوئی ہے جہاں آرٹسٹ کافی کے کپ میں ٹیکنالوجی کا ایسا تڑکا لگا کر پیش کرتے ہیں کہ شائقین داد دئیے بنا نہ رہ پائیں۔

اس کیفے میں اب یہاں آنے والے شائقین اپنی تصویر کافی پر پرنٹ کرواکر مزیدا ر کافی پینے کا لطف اٹھاسکتے ہیں۔

کیفے میں نصب پرنٹنگ ٹیکنالوجی کے ذریعے صارفین واٹس ایپ کا استعمال کرتے ہوئے اپنی تصویر پرنٹنگ کے لئے بھیجتے ہیں جس کے بعد جیسے ہی کافی کے کپ کو اس مشین سے گزارا جاتا ہے تو آپ کی دی ہوئی تصویر کافی پر پرنٹ ہوجاتی ہے۔

کافی پیش کرنے کا یہ منفرد انداز نہ صرف لوگوں کو خوب بھارہا ہے بلکہ شائقین کی ایک بڑی تعداد اس منفرد کافی کے کپ سے لطف اندوز ہونے یہاں کا رخ کیا۔