تنقید کا جواب اپنے بلے سے دوں گا، امام الحق

19 اکتوبر ، 2017

سنچری سے انٹرنیشنل کیرئیر کا آغازکرنےو الے امام الحق کا کہنا ہے کہ وہ تنقید کا جواب اپنے بلے سے دیں گے، ڈومیسٹک کرکٹ میں پرفارم کرکے یہاں تک پہنچے ہیں۔ ان کے چچا کرکٹر تھے تو اس میں ان کا کیا قصور ہے۔

ابوظبی میں میچ کے بعد پاکستان کے21 سالہ نوجوان اوپنرامام الحق نے پریس کانفرس کرتے ہوئے بتایا کہ انہوں نے ذہنی طور پر مقابلہ کرنا یونس خان اور شعیب ملک سے سیکھا ہے ۔

امام کاکہنا تھا کہ انڈر 19 ورلڈ کپ میں اچھا پرفارم کیا اور ڈومیسٹک کرکٹ میں بھی اچھی پرفارمنس دینے کےبعد یہاں تک پہنچا ہوں۔

اما م الحق کے کہا کہ ہر بلےباز کا اپنا الگ انداز ہوتا ہے۔ انہوں نے بتایا کہ حفیظ نے ڈیبیو کیپ پہناتے وقت کہا تھا کہ تم سنچری کرو گے۔ اس کے علاوہ کھیل کے دوران بھی حفیظ نے کہا کہ تھکنا نہیں ورنہ جوتا ماروں گا۔

تازہ ترین