افغانستان میں پھر امریکی ڈرون حملہ، 4 افراد ہلاک

افغانستان میں امریکی فوج کی جانب سے ایک اور ڈرون حملہ کیا گیا ہے جس کے نتیجے میں 4 افراد کے ہلاک ہونے کی اطلاعات سامنے آئی ہیں۔

گزشتہ 48 گھنٹوں میں پاک افغان سرحدی علاقے میں افغانستان کی حدود میں امریکی ڈرون حملوں میں اضافہ ہوا ہے جس میں طالبان رہنما بھی مارے گئے ہیں۔

ذرائع کےمطابق افغان سرحدی علاقے جاوارے سر میں امریکی ڈرون حملہ کیا گیا ہے جس میں شدت پسندوں کے ٹھکانوں کو نشانہ بنایا گیا ہے۔

ذرائع کا کہنا ہے کہ امریکی ڈرون طیاروں نے جاوارے سر کے علاقے میں ایک مقام پر دو میزائل فائر کیے جس سے 4 افراد ہلاک ہوئے ہیں۔