کوئٹہ : سرکاری اسپتالوں کی اوپی ڈیزمیں علامتی ہڑتال جاری

بولان میڈیکل ٹیچرزایکشن کمیٹی کی جانب سے کوئٹہ کے سرکاری اسپتالوں کی اوپی ڈیزمیں ڈاکٹروں کی علامتی ہڑتال کا سلسلہ جاری ہے۔ہڑتال کےدوران مریضوں کو سخت پریشانی کا سامنا ہے۔

بولان میڈیکل ٹیچرزایکشن کمیٹی کے رہنماؤں نے اپنے مطا لبا ت کے حق میں کوئٹہ کے چار سرکاری ٹیچنگ اسپتالوں کی اوپی ڈیزمیں3 گھنٹے کی علامتی ہڑتال شروع کردی ہے۔

صبح 8سے11بجےتک علامتی ہڑتال کے موقع پر ڈاکٹرز موجود نہیں ہیں اور ا س دوران اوپی ڈیزبندہیں ڈاکٹروں کی ہڑتال اور او پی ڈیز کی بندش کے باعث مریضوں کوپریشانی کاسامنا ہے۔

بولان میڈیکل کالج ٹیچرزایکشن کمیٹی کے رہنماؤں کا کہنا تھاکہ مطالبات کے حق میں ہڑتال کی کال دی تھی اور جب تک یہ منظور نہیں کرتے احتجاج جاری رہے گا۔