یورپی یونین اور ایرانی تجارتی معاہدوں کو تحفظ حاصل ہے، ٹلرسن

امریکی وزیر خارجہ ریکس ٹلرسن نے کہا ہے کہ یورپی یونین اور ایران کے درمیان تجارتی معاہدوں کو تحفظ حاصل ہے۔

امریکی اخبار کو انٹرویو میں انہوں نے کہا کہ امریکا ان معاہدوں پر اثر انداز ہونے کا کوئی ارادہ نہیں رکھتا۔انہوں نے کہا کہ وہ ایران کے ساتھ تجارتی معاہدوں کے بارے میں اپنے یورپی اتحادیوں کے خدشات دور کریں گے۔

قبل ازیں امریکی صدر ڈونلڈ ٹرمپ 2015 ءمیں ایران کے ساتھ طے پانے والے جوہری معاہدے کی توثیق سے انکار کر چکے ہیں، تاہم ریکس ٹلرسن کے مطابق صدر کا موقف ایران اور یورپی یونین کے درمیان تجارتی معاہدوں کے حوالہ سے بالکل واضح ہے اور انہوں نے ان معاہدوں کے حوالے سے اطمینان کا اظہار کیا ہے۔