عراق کے مذہبی پیشوا آیت اللہ علی السیستانی نے کردوں کے تحفظ کا مطالبہ کردیا ہے۔
کربلا میں جمعے کے اجتماع کے دوران آیت اللہ السیستانی کا بیان پڑھ کر سنایا گیا جس میں انہوں نے عراقی حکومت سے مخاطب ہوکر شمالی شہر کرکوک میں کردوں کے جان ومال کے تحفظ کو یقینی بنانے کا مطالبہ کیا ہے۔
سیستانی کا مطالبہ ایسے وقت میں سامنے آیا ہے جب عراقی فوج کا کرکوک پر قبضہ کے بعد کردوں کے ساتھ توہین آمیز واقعات کی اطلاعات موصول ہوئی ہے۔