نیویارک میں سالانہ ہیلووین ڈاگ پریڈ کا انعقاد

دنیا بھر میں ہیلووین تہوار کی مناسبت سے نہ صرف منفرد پریڈ کا انعقاد کیا جا رہا ہے بلکہ اس حوالے سے مختلف تقریبات بھی منعقد کی جا رہی ہیں جس میں لوگوں کا جوش و خروش دیدنی ہے۔

امریکی شہر نیو یارک میں بھی ہیلووین کی مناسبت سے سالانہ ڈاگ پریڈ کا انعقاد کیا گیا جس میں تقریبا دس ہزار کتوں نے منفرد کاسٹیومز زیب تن کئے اپنے مالکان کے ہمراہ بھر پور شرکت کی۔

نیویارک کے ٹامپکن اسکوائر پارک میں ہرسال کی طرح اس سال بھی منعقد ہونے والی اس 27ویں سالانہ ہیلووین ڈاگ پریڈ کے دوران جہاں کچھ شرارتی کتے مینینز،پائریٹ، شیر، مجسمہ آزادی،امریکی صدر ڈونلڈ ٹرمپ کا روپ دھارے ہوئے تھے وہیں کچھ ننھے ڈوگی زومبیز، کروس شپ، بس سمیت منفرد کرداروں کا روپ دھارے لوگوں کی توجہ کا مرکز بنے ہوئے تھے جبکہ اس دوران کتوں کے درمیان مختلف مقابلے بھی منعقد کئے گئے۔