افغان فورسز نے حقانی نیٹ ورک کا اہم کمانڈر پکڑ لیا،رپورٹ

افغان انٹیلی جنس ایجنسی نے دارالحکومت کابل میں خود کش بمبار تیار کرنے والے حقانی نیٹ ورک کے کمانڈر کی گرفتاری کا دعویٰ کیا ہے ۔

افغان میڈیا کی رپورٹ کے مطابق انٹیلی جنس ایجنسی این ڈی ایس نے حقانی نیٹ ورک کے کمانڈر مولوی بشیر کو ایک کارروائی کے دوران گرفتار کیا ۔

افغان میڈیا کے مطابق مولوی بشیر کو حقانی نیٹ ورک کی قیادت نے خودکش بمبار تیار کرنے کا ٹاسک دیاتھا اور وہ دارالحکومت کابل سمیت دیگر صوبوں میں ہونے والے خود کش حملوں کا ماسٹر مائنڈ ہے ۔

میڈیا رپورٹ کے مطابق حقانی نیٹ ورک کے ان خود کش حملوں میں سیکیورٹی اہلکاروں سمیت کم از کم 300 افراد ہلاک اور 3400 زخمی ہوئے تھے ۔