فرانس کی سڑکوں پر خون آشام بلاؤں کا بسیرا

فرانس میں ہیلووین کی مناسبت سے سالانہ زومبی واک منعقد کی گئی جس میں سینکڑوں افراد زندہ لاشوں کا خونخوار روپ دھارے سڑکوں پر نکل آئے۔

اس دلچسپ فیسٹیول میں ملک بھر سے سینکڑوں لوگ زومبی واک میں شریک ہونے کے لئے نامور شاہراہ پر جمع ہوئے اورمارچ کی ابتداء کرتے ہوئے شہر کی مختلف سڑکوں پر پھیل گئے۔

ہر سال منعقد کئے جانے والی اس واک میں جہاں بڑے خطرناک اور ڈراؤنے روپ دھارکر واک کرتے نظر آئے وہیں بچے بھی اس فیسٹیول میں شریک ہوکر خوب لطف اندوز ہوئے۔

زومبی واک نامی اس سالانہ ریلی میں سیکڑوں افراد نے حصّہ لیاجواپنے ملبو سات اورحلیوں سے چڑیل او ر بلاؤں کی ما نند ہی لگ رہے تھے۔