یمن میں امن کوششیں، ایران رکاوٹ ڈال رہا ہے، سعودی عرب

سعودی عرب نے ایران پر الزام عائد کیا ہے کہ وہ یمن میں امن کے قیام کی کوششوں میں رکاوٹیں ڈال رہا ہے۔

ریاض میں ایک اجلاس سے خطاب کرتے ہوئے سعودی عرب کے وزیر خارجہ عادل الجبیر نے یمن میں سعودی قیادت میں فورسز کے ساتھ لڑنے والے حوثی باغیوں کی مبینہ حمایت پر ایران کو کڑی تنقید کا نشانہ بنایا۔

اس اجلاس میں سعودی ملٹری حکام اور بحرین، مصر اور متحدہ عرب امارات کے وزرائے خارجہ نے بھی شرکت کی۔سعودی وزیرخارجہ نے اس موقع پر عرب اتحادیو ں کویمن میں جنگ کی صورتحال اور امن کوششوں سے آگاہ کیا۔