ذیابیطس دنیا میں تیزی سے بڑھتا مرض

14 نومبر ، 2017

Diabetes Fast Growing Disease In The World

ذیابیطس ( شوگر) کی پیچیدگیوں ، علامات ، علاج اور پرہیز سے آگاہی فراہم کرنے کے لئے پاکستان سمیت دنیا بھر میں آج مرض کا عالمی دن منایا جارہا ہے ۔

14 نومبر ذیابیطس کا عالمی دن منایا جاتا ہے ،جس کا مقصد مرض کی بڑھتی ہوئی شرح پر قابو پانے کیلئے دنیا کو متوجہ کرناہے۔

اقوام متحدہ کے عالمی ادارہ صحت کی سروے رپورٹ کے مطابق دنیا بھر میں اس مرض سے تقریبا 80فیصد اموات کم آمدنی والے ممالک میں ہوتی ہیں۔

ڈبلیو ایچ او کا کہنا ہے کہ اگر مناسب اقدامات نہ کئے گئے تو2030ء تک ذیا بیطس دنیا کی ساتویں بڑی جان لیوا بیماری بن جائے گی۔

ماہرین کے مطابق ذیابیطس کے اسباب میں موٹاپا، تمباکو نوشی اور ورزش نہ کرنا اہم وجوہات ہیں، چند احتیاطی تدابیرپر عمل کرکے اس مرض سے محفوظ رہا جا سکتا ہے جبکہ مرض لاحق ہونے کے باوجود بھی معمول کے مطابق زندگی گزاری جا سکتی ہے۔
واضح رہے کہ ذیابیطس سے بچاؤ کا عالمی دن اقوام متحدہ کی سفارش پر ہر برس 14نومبر کو منایا جاتا ہے، جس کی ابتدا 2007 سے ہوئی تھی۔

تازہ ترین