پاکستان اسٹیٹ آئل نے مسلسل عدم ادائیگیوں پر پی آئی اے کے طیاروں کے لیے تیل کی سپلائی معطل کر دی ہے، جو تین گھنٹے بعد بحال کردی گئی۔
انڈسٹری ذرائع کے مطابق تیل سپلائی روکے جانےپر فیصلہ تقریباً 16 ارب روپے کے تیل کی خریداری کی رقم نہ دینے اور یومیہ تیل خریداری کے پیسے بھی نہ دینے پر مجبوراً کیا گیا ہے۔
تیل سپلائی رکنے سے پی آئی اے کی کراچی تا سکھر اور کراچی تا اسلام آباد پروازوں میں ایک سے 2 گھنٹے کی تاخیر ہوئی۔
پی ایس او حکام نے3گھنٹے بعد پی آئی اے کی پروازوں میں کی صورتحال دیکھتے ہوئے چند دنوں میں سپلائی دینے کی یقین دہانی کرائی اور تیل کی سپلائی دوبارہ بحال کر دی۔