کراچی چیمبر کا انکم ٹیکس گوشواروں کی تاریخ میں توسیع کا مطالبہ

انکم ٹیکس ریٹرن جمع کرانے کے آن لائن سسٹم میں خرابی کی وجہ سے ٹیکس گوشوارے جمع کرانے میں مشکلات ہونے کے باعث کراچی چیمبر کے صدر نے انکم ٹیکس گوشوارے جمع کرانے کی تاریخ 30 دسمبر تک بڑھانے کا مطالبہ کردیا۔

کراچی چیمبر آف کامرس اینڈ انڈسٹری کے صدر مفسر ملک کا کہنا ہے کہ انکم ٹیکس ریٹرن جمع کرانے کے آن لائن سسٹم میں خرابی اور دباؤ کے باعث رٹرن جمع کرانے میں شدید مشکلات ہیں۔

ان کا مزید کہنا ہے کہ اس صورت حال کی وجہ سے دشواری کے باعث انکم ٹیکس گوشوارے جمع کرانے کی تاریخ کو 30 دسمبر تک بڑھانے مطالبہ کیا گیا ہے۔

کراچی چیمبر کے صدر نے یہ بھی کہا ہے کہ ایف بی آر سسٹم کی صلاحیت کو بہتر بنائے جو ملک کے ایک فیصد سے کم ٹیکس گزاروں کے ریٹرنز جمع کرنے کی بھی صلاحیت نہیں رکھتا۔