کراچی :ڈرگ روڈ فلائی اوور مرمت کیلئے پھر بند

کراچی میں شارع فیصل کو راشد منہاس روڈ سے ملانے والا پُل ایک بار پھر مرمت کے لیے بند کردیا گیا ہے، فلائی اوور کی بندش کے باعث شہریوں کو شدید پریشانی کا سامنا ہے۔

کراچی میں شارع فیصل کو راشد منہاس روڈ سے ملانے والے ڈرگ روڈ فلائی اوور کو شگاف پڑنے کی وجہ سے مرمت کے لیے بند کیا گیا ہے۔

حکام کا کہنا ہے کہ پل کے ادھے کلو میٹر ٹریک کو توڑ کر دوبارہ تعمیر کیا جارہا ہے، اس کام میں ڈھائی سے تین مہینے لگیں گے۔

حکام کا کہنا ہے کہ مرمت کے کام پر 20 سے 22 کروڑ روپے لاگت آئے گی۔