| |
Home Page
جمعرات 04 ربیع الاوّل 1439ھ 23 نومبر 2017ء
November 15, 2017 | 12:14 pm

سبزی منڈی میں پیاز ، ٹماٹر مزید سستا ہوگیا

Onions In Vegetable Market Tomato Became Cheaper

Onions In Vegetable Market Tomato Became Cheaper

کراچی سبزی منڈی میں ٹماٹر اور پیاز مزید سستا ہوگیا۔ ہول سیل میں ٹماٹر 10 روپے کمی سے 50 روپے فی کلو پر آگیا اور پیاز بھی ایک ہفتے میں 70 روپے سے کم ہوکر 40 روپے فی کلو پر آگیا۔

کراچی سبزی منڈی مارکیٹ کمیٹی کے نائب چیئرمین محمد آصف کے مطابق ٹماٹر کی مقامی فصل کی سپلائی میں نمایاں بہتری ہوئی ہے اور ساتھ ہی پیاز کی سپلائی بھی ہونے سے قیمتوں میں کمی کا سلسلہ جاری ہے ۔

انہوں نے بتایا کہ ہول سیل میں درجہ اول ٹماٹر مزید 10 روپے سستا ہوکر 50 روپے اور درجہ دوئم 40 روپے فی کلو فروخت کیا گیا اور پیاز بھی 5 روپے کمی سے درجہ اول 40 روپے اور درجہ دوئم 35 روپے فروخت ہوا۔

سبزی فروشوں کے مطابق بازار میں ٹماٹر 60 روپے اور پیاز 50 روپے فی کلو فروخت کیا جارہا ہے ۔