• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محمد حفیظ بولنگ ایکشن کلیئر کرنے میں ناکام

تازہ ترین
کھیلوں کی خبریں
16 نومبر ، 2017
Mohammad Hafeez Bowling Failed To Take Action

آل راؤنڈر محمد حفیظ کا بولنگ ایکشن ایک مرتبہ پھر غیر قانونی قرار دے دیا گیا ہے۔

محمد حفیظ کا بولنگ ایکشن گزشتہ ماہ سری لنکا کےخلاف ون ڈے سیریز کے دوران مشکوک قرار دیا گیا تھا، جس کے بعد محمد حفیظ کا بولنگ ٹیسٹ یکم نومبر کو لندن میں ہوا تھا ۔

ٹیسٹ کی رپورٹ کے مطابق محمد حفیظ بولنگ ٹیسٹ کلیئر کرنے میں ناکام ہوگئے ہیں،ٹیسٹ کے دوران ان کی زیادہ تر گیندوں پر ایکشن15 ڈگری سے زیادہ تھا۔

آئی سی سی نے محمد حفیظ کو فوری طور پر انٹرنیشنل کرکٹ میں بولنگ سے روک دیا ہے۔

واضح رہے کہ آل راؤنڈر کا بولنگ ایکشن پچھلے 2سال میں 3مرتبہ رپورٹ ہوچکا ہے اور آئی سی سی نےٹیسٹ کلیئرنس کے بعد انہوں نے دوبارہ بولنگ کی اجازت دی تھی۔

تازہ ترین